Gjatë vazhdimit të seancës konstituive të Kuvendit të Kosovës, Lista Serbe dorzuar propozimin e kandidatit të saj për postin e nënkryetarit të Kuvendit, i cili u kërkua nga Gjykata Kushtetuese për të përfunduar seancën e nisur më 15 prill.
Kryesuesi i seancës, deputeti Dimal Basha, ka bërë thirrje që përfaqësuesit e komunitetit serb të bëjnë zyrtarisht propozimin e tyre dhe ai të vihet në votim nga deputetët, në mënyrë që procesi konstituiv të përmbyllet sipas afatit të përcaktuar nga Gjykata Kushtetuese.
Sipas vendimit të Gjykatës, Kuvendi është i detyruar të zgjedhë nënkryetarin nga komuniteti serb për të përfunduar me sukses fazën konstituive. Deri tani, vetëm dy deputetë nga Aleanca për Ardhmërinë e Kosovës (Lahi Brahimaj dhe Time Kadrijaj) kanë marrë pjesë në seancë, ndërsa Nisma Socialdemokrate nuk ishte fare e pranishme.
