Përmes një njoftimi për media nga Komuna e Kamenicës kanë bërë të ditur se procesi mësimor ka filluar në shkollat e fshatrave Karaçevë e Poshtme dhe Busavatë.
Sipas njoftimit, nga nesër fillon procesi mësimor edhe në Institucionin Parashkollor “FILIZAT” dhe shkollat e tjera.
“Ka filluar procesi mësimor në Komunën e Kamenicës. Sot ka filluar procesi mësimor në shkollat e fshatrave Karaçevë e Poshtme dhe Busavatë. Nga nesër procesi mësimor do të fillojë edhe në Institucionin Parashkollor ‘FILIZAT’ dhe shkollat e tjera. Falënderojmë mësuesit që janë treguar të arsyeshëm, edhe kundrejt kërkesave të tyre por edhe zhvillimit të mësimit”, thuhet në njoftimin e Komunës së Kamenicës.
Mësimdhënësit në shumicën e shkollave nuk janë duke e zhvilluar procesin mësimor për shkak të grevës së përgjithshme. /teve1.info/