Raundi i tretë i negociatave indirekte midis Iranit dhe SHBA-së ka nisur zyrtarisht të shtunën në Oman, ka njoftuar televizioni shtetëror iranian.
Sipas raportit, të dërguarit nga të dyja palët po zhvillojnë diskutime përmes ndërmjetësve, duke u fokusuar në uljen e tensioneve dhe adresimin e mosmarrëveshjeve të gjata, veçanërisht mbi programin bërthamor të Iranit dhe heqjen e sanksioneve të SHBA ndaj Teheranit, raporton Anadoly.
Presidenti i SHBA-së, Donald Trump, së fundmi kërcënoi Iranin me bombardime dhe më shumë tarifa nëse nuk arrinte një marrëveshje me SHBA-në mbi programin e tij bërthamor, gjë që shkaktoi reagime të ashpra nga Teherani.
Irani refuzoi të angazhohej në bisedime të drejtpërdrejta me SHBA-në, por ra dakord të zhvillonte bisedime indirekte me ndërmjetësimin e Omanit pas një shkëmbimi letrash të kohëve të fundit midis dy palëve.
