Ministri i Shëndetësisë, Arben Vitia së bashku me Drejtorin e ShSKUK-së Elvir Azizi, kanë marrë pjesë në fillimin e punimeve për ndërtimin e objektit të ri të Klinikës së Hemantonkologjisë dhe Nefrologjisë.
Në njoftimin e ministrisë, bëhet e ditur se vlera e investimit për këto dy klinika është 4,299,23.31 euro.
Derisa, Vitia shtoi se së shpejti do të ofrohet shërbimi i Plazmaferezes.
“Me këtë rast, Ministri Vitia tha se përmes këtij investimi do të sigurohen më shumë shërbime cilësore për qytetarët dhe potencoi se së shpejti do të shtohet shërbimi i Plazmaferezês, derisa po vazhdon edhe angazhimi që të ofrohet shërbimi për biopsinë e veshkës”, thuhet në njoftim.
Po ashtu, ministria ka njoftuar se për herë të parë në Klinikën e re të Hematonkologjisë do të mundësohet transplantimi i palcës kockore tek leukemitë akute.
“Gjithashtu, për herë të parë në Klinikën e re të Hematonkologjisë do të mundësohet transplantimi i palcës kockore tek leukemitë akute, shërbim ky që deri më tani nuk është arritur të bëhet në Kosovë dhe se pacientët tanë nuk do të kenë më nevojë që të kërkojnë trajtim jashtë vendit për transplantimin autolog të palcës kockore”, thuhet në njoftimin e ministrisë./teve1.info/
