Sot ka filluar festivali i “Kafesë dhe Çajit” në sheshin “Zahir Pajaziti” në Prishtinë. Ky festival do të zgjasë deri më 27 shtator dhe ka për qëllim promovimin e artit, kulturës dhe traditën e të bërit kafe dhe çaj në vendin tonë.
Produkte të ndryshme, kafe e çaj janë duke u shpërndarë falas në sheshin “Zahir Pajaziti” në Prishtinë.
Krejt kjo, pasi të mërkurën ka filluar festivali i çajit dhe kafesë, e që do të vazhdojë deri më 27 shtator.
“Produktet që i kemi këtu i shpërndajmë falas. I kemi disa lloje të produkteve. Interesim ka pasur goxha shumë. Prej fillimit kishte një numër të madh të nxënësve dhe ishin të lumtur që i morën produktet”, tha Diellor Berisha.
E krejt këtë organizim, Hajredin Osmani po e sheh edhe si mundësi të mirë që bizneset të promovojnë veten.
Ne si kompani kemi edhe fabrikën për përpunimin e kafes, e posedojmë kafen esspreso, kafen turke, kapsula, të gjitha i kemi prodhim vendor. Interesimi është shumë i mirë nga ana e njerëzve”, thotë Osmani.
Qëllimi i këtij festivali është promovimi i artit, kulturës dhe traditën e të bërit kafe dhe çaj në vendin tonë.
Përfaqësuesja Sara Aliu tha se në këtë festival marrin pjesë rreth 25 përfaqësues të brendeve të huaja dhe vendore.
Këtë të mërkurë qytetarët e Komunës së Prishtinës dhe jo vetëm kanë mundësi që me dal në sheshin “Zahir Pajaziti” dhe me konsumu kafe dhe çaj dhe shumica e përfaqësuesve të brendeve që marrin pjesë këtu do t’i ofrojnë këto pije pa pagesë, por ka edhe biznese që kanë mundësi me i ofru me pagesë”, tha Sara Aliu përfaqësuese e festivalit.
I gjithë ky organizim është bërë nga Prishtina Groove, e që është mbështetur edhe nga Drejtoria e Kulturës në Komunën e Prishtinës.
Si gjithmonë Kryeqyteti, respketivisht Drejtoria e Kulturës po i mbështet iniciativat e tilla të cilat po i japin shpirt kryeqytetit me laramani, diversitet sa ma të madh të të gjitha, edhe të artistëve edhe bizneseve të caktuara, ku qytetarët kanë mundësi të kalojnë një kohë të tyre sidomos në kohë pauze në këto hapësira që na ua kemi ndarë bizneseve”, u shpreh Sibel Halimi- drejtoreshë e Kulturës në Komunën e Prishtinës.
Në këtë festival marrin pjesë edhe personat me Sindromën Down, ku janë duke shitur produkte të cilat i kanë bërë ata vetë.
