Sot po mbahet ceremonia e diplomimit të gjeneratës së 62-të të Policisë së Kosovës, në sallën e sportit të “Pallatit të Rinisë dhe Sporteve” në Prishtinë.
Sipas njoftimit të Policisë së Kosovës, në këtë ceremoni po marrin pjesë përfaqësues të institucioneve vendore e ndërkombëtare, eprorë të lartë të policisë, si dhe familjarë të zyrtarëve policorë që po diplomojnë.
Ceremonia tashmë ka nisur dhe përfaqëson një hap të rëndësishëm për përforcimin e kapaciteteve të sigurisë në vend.
