Ka filluar procesi i adoptimit të qenve endacakë në Prishtinë. Lajmin e ka bërë të ditur kryetari Përparim Rama.
Rama ka thënë se një numër i madh i qytetarëve kanë shprehur interesim për adoptim të qenve.
“Po synojmë që secili qen🐕 në kryeqytet të ketë një pronar. Jemi siguruar që të ofrojmë kushte dhe trajtim human për qentë dhe siguri shtesë për qytetarët e kryeqytetit”, ka shkruar i pari i kryeqytetit.
Tutje Rama ka shkruar se secili qen që do të jepet për adoptim do të jetë i pajisur me mikroçip dhe do të monitorohet nga Drejtoria për Siguri dhe Emergjenca.
