Të martën kanë nisur përgatitjet për vendosjen e gurthemelit të dy urave që pritet të ndërtohen në veri, në afërsi të Urës së Ibrit.
Pjesëmarrës në këtë ceremoni do të jetë kryeministri në detyrë i Kosovës, Albin Kurti, kryetari i Mitrovicës së veriut, Erden Atiq dhe kryetari i Mitrovicës së jugut, Arian Tahiri do të marrin pjesë në këtë ceremoni.
“Kryeministri në detyrë i Republikës së Kosovës, Albin Kurti, së bashku me kryetarin e Komunës së Mitrovicës së veriut, Erden Atiq, nënkryetarin e Komunës së Mitrovicës së jugut, Arian Tahiri, ministri në detyrë i Administrimit të Pushtetit Lokal, njëherësh Kryesues i Bordit të Përbashkët të dy komunave, Elbert Krasniqi, dhe ministri në detyrë i Mjedisit, Planifikimit Hapësinor dhe Infrastrukturës, Liburn Aliu, marrin pjesë sot në vendosjen e gurthemeleve të dy urave të reja mbi lumin i Ibër në kuadër të Memorandumit të Bashkëpunimit ndërmjet Ministrisë së Mjedisit, Planifikimit Hapësinor dhe Infrastrukturës dhe komunave të Mitrovicës së jugut dhe veriut”, thuhet në komunikatë./teve1.info/
