Komisioni i Garave në Federatën e Futbollit të Kosovës ka mbajtur mbledhjen e radhës.
Në këtë mbledhje është diskutuar ankesa e FC Ferizajt, për ta fituar me rezultat zyrtar duelin e barazhit ndaj Lirisë.
Ferizaj është ankuar në FFK, pasi ka pretenduar se Liria ka pasur futbollistë në fushë me kontrata që i kanë skaduar më 31 maj dhe jo më 30 qershor.
Kësisoj, është refuzuar ankesa e Ferizajt që sezonin e ardhshëm do të garojë në Ligën e Parë.
Liria kthehet në Superligë pas katër vjetëve.
“Regjistrohen ndeshja e barazhit të Superligës Ferizaj – Liria dhe ndeshja finale e Kupës së Kosovës, Gjilani-Prishtina në futboll për edicionin 2022/2023, me rezultatet e arritura në fushë”, ka njoftuar Komisioni i Garave i FFK-së.
