FFK-së i dalin probleme me Komisionin për Licencim të Federatave Sportive, pranë Ministrisë së Sportit.
Federata e Futbollit të Kosovës (FFK) është përballur me probleme të reja me Komisionin Vlerësues për Licencim të Federatave Sportive, pranë Ministrisë së Sportit. Në një shkresë zyrtare, Komisioni ka evidentuar një sërë parregullsish në Kuvendin e Punës të mbajtur më 5 shkurt 2025.
Ndër shkeljet e theksuara janë: mospërputhje statutore në përbërjen e Komitetit Ekzekutiv, pjesëmarrja e klubeve të palicensuara (KF Istogu dhe KF Besa – Pejë) në votim, si dhe problemet e harmonizimit me Lidhjet Rajonale të Futbollit. Komisioni gjithashtu thekson se anëtarët direkt të FFK-së nuk mund të jenë edhe përfaqësues me të drejtë vote në kuvendet rajonale.
Në fund, Komisioni rekomandon ndryshimin dhe plotësimin e nenit 39 të Statutit të FFK-së.
