Befasia e madhe e ndeshjeve të para të Play-Offit në Ligën e Kampionëve, ngjau të mërkurën mbrëma.
Feyenoordi me trajner të ri, e befasoj Milanin duke triumfuar minimalisht në Rotterdam 1:0.
Igor Paixao, i ndihmuar edhe nga portieri mysafir shënoj herët golin e vetëm të ndeshjes, që në minutën e tretë e që mund të jetë edhe vendimtar.
Ndeshja e kthimit luhet të martën e ardhshme, me “rossoneri” që janë në disavantazh nga dueli i parë.
Bayern Munchen u duk se e ka ndeshjen nën kontroll kur në fund të pjesës së parë (Olise 45’) dhe në fillim të pjesës së dytë (Kane 49’), pati avantazh të dyfishtë.
Por gjermanët u desh t’i kalonin në ankth minutat e mbetura, pasi atmosfera në “Celtic Park” u elektrizua kur Maeda (79’) shënoj për ta kthyer Celticun në lojë.
Vendësit patën mundësi barazimi, por Neuer tregoj aftësitë në së paku dy mundësi për ta ruajtur epërsinë e rëndësishme të ndeshjes së parë.
Në duelin tjetër të mbrëmjes, Benfica triumfoi në udhëtim te Monaco, ndërsa në duelin e parë të ditës së mërkurë, Club Brugge triumfoi 2:1 ndaj Atalantas.
