Sonte në program janë për t’u zhvilluar edhe katër ndeshjet tjera në kuadër të fazës ‘play-off’ në Ligën e Kampionëve.
E marta mbrëma ishte një natë magjike për futbollin, ku u zhvilluar katër përballje interesante, ku vëmendja ishte në Etihad, me Real Madridin që mori një fitore të madhe 2-3 ndaj Manchester Cityt.
Interesant do të jetë edhe gjatë mbrëmjes së sotme, ku ndeshja më e fortë pritet të zhvillohet në Roterdam, ku Feyenoordi e pret Milanin nga ora 21:00.
Ndeshje të vëmendjes së madhe pritet të zhvillohen gjithashtu edhe në përballjet tjera Monaco – Benfica dhe Celtic – Bayern Munich, të dyja në orarin e njëjtë.
Takimi i vetëm që pritet të fillojë nga ora 18:45 është ai në mes të Club Bruge dhe Atalanta.
