Fetoshi theksoi se nuk po shkëputemi nga tendenca e vazhdueshme e pushtetit dhe ndërhyrjes në pavarësinë e pushteteve tjera, shkruan teve1.info
“Sot ne kemi parë që s’po shkëputemi dot nga një tendencë e vazhdueshme e koncentrimit të pushtetit absolut dhe ndërhyrjes në pavarësinë e pushteteve të tjera në Republikën e Kosovës. Pra për fat të keq më duhet të konstatoj që ajo që e kemi dëgju si reagim nga kryeministri, Kurti dhe nga ministrja e Drejtësisë, Haxhiu është ndërhyrje flagrante, e papranueshme”, ka thënë Fetoshi në emisionin “Këndi i Debatit” në Tëvë1.
Fetoshi deklatatën e KGJK-së ndaj Kurtit e ka quajtur të kuptueshme.
Madje profesori deklaroi se pavarësisht se rasti i Pantiqit ka qenë në fokus të interesimeve nga faktorët relevant ndërkombëtar, sipas tij Kurtit i ka takuar që të kursehej nga deklarimet që kërkojnë edhe emrin e prokurorit që ka marrur vendimin për lirimin në arrest shtëpiak ndaj ish-policit.
“Pavarësisht që rasti i ish-policit, Pantiq është kthyer në një fushëbetejë stabiliteti për vendin duke iu referuar zhvillimeve në veri të Kosovës, pavarësisht në qoftë se rasti i tij ka qenë edhe në fokus të interesimeve nga faktorët relevant ndërkombëtar unë besoj që kryeministrit i ka takuar që që kursehej nga deklarimet e tilla, aq më pak që të kërkonte publikisht emrin e prokurorit”, u shpeh Fetoshi.
Fetoshi ka thënë se kjo gjuhë është e pa pranueshme, teksa tha se nuk është hera e parë që kryeministri Kurti përdor këtë llojë gjuhe ndaj drejtësisë.
Sipas Fetoshit, është shqetësuse që politikanët e Kosovës nuk e kuptojnë që nuk guxojnë të deklarohen për vendimet e gjyqësorit.
“Është shqetësuse që politikantët tanë nuk e kuptojnë që nuk guxojnë të deklarohen për çfarëdo vendimi të gjyqësorit”, përfundoi ai.
Ndryshe, sot kryeministri Kurti, ka kërkuar që ta dijë se kush është gjyqtari që e ka marrur vendimin për lirimin në arrest shtëpiak të ish-policit, Dejan Pantiq.
Po ashtu edhe ministrja e Drejtësisë, Albulena Haxhiu ka thënë dërgimi në arrest shtëpiak për ish-polici është akti më i rëndë që mund t’i bëhet vendit nga institucionet e drejtësisë.
Këshilli Prokurorial i Kosovë është shprehur i shqetësuar ndaj reagimit të kryeministrit, Kurti dhe vartësve të tij lidhur me Dejan Pantiq.
KPK-ja ka vlerësuar se reagimet e tilla të Kryeministrit Kurti dhe vartësve të tij janë tendencë për ndërhyrje në punët dhe pavarësinë e sistemit prokurorial të Republikës së Kosovës./teve1.info