Profesori universitar, Arben Fetoshi vlerëson që ideja se çështja e veriut duhet të zgjidhet nëpërmjet forcës është shqetësuese.
Ai thotë se nëse thuhet që veriu duhet të pushtohet me polici, nënteksti i kësaj është që të krijohen rrethanat që ajo t’i jepet ‘bakshish’ Vuçiqit.
“Mendimi sot që veriu është çështje që zgjidhet nëpërmjet forcës, vërtetë për mua është shqetësuese. Veriu thellësisht është çështje politike dhe çështjet politike, reagimet e bashkësisë ndërkombëtare na kanë bo shumë të qartë se në çfarë rruge kemi hy. Nëse themi që ne duhet ta pushtojmë veriun nëpërmjet njësive speciale dhe policisë tonë, nënteksti i krejt këtij ligjërimi është që sa më parë që është e mundshme duhet të krijojmë rrethana që veriun t’ia japim Vuçiqiti si bakshish për Kosovën e pavarur”, ka thënë Fetoshi.
Fetoshi vlerëson se në situatën ku gjendet Kosova do të jetë e vështirë të rikthehet në binarë procesi, për ruajtjen e rendit kushtetues në tërë territorin.
“Unë jam i bindur që edhe në këtë qorrsokak që kemi hy, duke e pasë parasysh gjithmonë edhe realacionin tonë me komunitetin euroatlantik, ne e kemi të vështirë më rikthimin në binarë të procesit për me e ruajt rendin kushtetues të Kosovës cep e në cep territorit të vendit tonë, e le më në qoftë se vazhdojmë me manifestu aksione të dhunshme se me çka do të përballemi”, ka deklaruar ai në Këndin e Debatit në Tëvë 1.
“Ne dje e kemi festu Ditën e Çlirimit dhe ajo ka ardhë si rezultat i koordinimit të plotë me botën e lirë demokratike e cila ka marrë vednim ta bombardojë aparatin gjenocidal të Millosheviqit për lirinë e këtij populli këtu”.
