Profesori universitar Arben Fetoshi, ka deklaruar rëndësinë e këtyre zgjedhjeve për stabilitetin dhe demokracinë e vendit.
Sipas tij, 28 dhjetori është një ditë me rëndësi të jashtëzakonshme për Kosovën, pasi pas muajve të vështirësive politike, do të mbahet një proces zgjedhor që duhet të kalojë pa probleme.
Ai u shpreh i bindur që procesi zgjedhor do të kalojë mirë, duke i dhënë besim planit operativ të policisë dhe angazhimit të prokurorëve në terren.
Fetoshi gjithashtu ngriti shqetësimin për luftën hibride dhe përhapjen e lajmeve të rreme, veçanërisht fushatat dezinformuese që po ndërmerr Serbia për të ndikuar në opinionin e brendshëm dhe ndërkombëtar.
Ai theksoi se këto përpjekje synojnë të pengojnë integrimin e komunitetit serb në institucionet e Kosovës dhe atë ndërkombëtar.
“28 dhjetori është ditë jashtëzakonisht e rëndësishme për shkak se pas gjithë këtyre muajve të vështirësive që kemi pas me konsuludimin e vendit tonë, dita e zgjedhjeve sot duhet të kalojë mirë edhe besoj që do të kalojë mirë, edhe nëse i referohemi planit operativ të policisë së Kosovës, edhe nëse i referohemi njoftimeve nga ana e Prokurorisë për një numër jashtëzakonisht të madh të prokurorëve që sot janë në teren.
Lufta hibride, lajmet e rreme, besoj që kemi të bëjmë me një fenomen të vazhdueshëm, jo vetëm të institutit Octupus, por tashmë ka edhe hibrid në organizatat e tjera, konfirmojnë përpjekjet e vazhdueshme të Serbisë që nëpërmjet përmbajtjeve të rrejshme, fushatave dezinformimit të influencojë veqant komunitetitn serb në Kosovë, përveq kësaj ka aktivitete të ndryshme hibride të cilat kanë për qëllim që të pengojnë me cdo kusht integrimin e qytetarëve serb në institucionet dhe shoqërinë e Kosovës dhe e dyta të keqinterpretohet ose të mashtrohet opinioni ndërkombëtar sa i përket të vërtetës në Kosovë”, ka deklaruar Fetoshi në Speciale në Tëvë1./teve1.info/
