Fetoshi tha se vizita e Kurtit në SHBA është ekskursion në këtë kohë. Sipas tij agjenda zyrtare e udhëtimit të kryeministrit në Shtetet e Bashkuara të Amerikës, ka qenë dialogu përkatësisht, përmbyllja e marrëveshjes me MCC-në.
“Jam i bindur që faktori pengues për një takim të rëndesishëm në Shtëpine e Bardhë të kryeministrit tonë aktualisht është Ukraina pra zhvillimet me luftën dhe jo qasj që ata kanë ndaj Kurtit personalisht. Sepse jam i bindur që duhet të ketë një takim. Nuk kam informata por si analizë mendoj që kthimi i Kurtit në Prishtinë paraprihet nga një takim i nivelit të sekretarit të shtetit jo më shumë”, tha ai.
Profesori universitar në Tëvë1 tha se kthimi i kryeministrit Kurti në Prishtinë pa një takim me sekretarin Antony Blinken do të ishte sinjal shqetësues.
“Në qoftë se do të kemi një takim te Kurtit me Blinken unë do të doja, sepse përndryshe kthimi mas 2 javëve me vizitat e tij nëpër kompani të ndryshme, do të ishte sinjal shumë i rëndë dhe shumë shqetëues për momentumin politik në të cilin gjendet Kosova”, shtoi ai ./teve1.info/.
