Derisa po i afrohemi fundit të Superligës në futboll dhe dilemat për titullin e kampionit e të vendit të dytë duket se kanë përfunduar, java e 32-të e ligës elite pritet të qartësojë shumëçka rreth mbijetesës dhe pozitave të tjera për garat evropiane.
Sot zhvillohet një ndeshje, në Drenas nga ora 15:00, ku skuadra nikoqire Feronikeli ‘74 e pret Gjilanin.
‘Nikli’ ka rënë nga liga, por që është duke ua bërë të vështirë kampionatin të gjitha skuadrave rivale.
Gjilani është ngjitur në vendin e pestë në tabelë me 42 pikë, pas dy ndeshjeve të fundit pa humbje, por mbetet vetëm dy pikë larg pozitës së barazhit.
Një fitore e gjilanasve do të konsolidonte ekipin, ndërkohë do të ishin më të qetë për ndeshjet e vikendit, duke shpresuar edhe në gabimet e kundërshtarëve.
Ndeshja e vetme e ditës së premte, do të zhvillohet në stadiumim “Rexhep Rexhepi”, në Drenas, duke nisur nga ora 15:00.
