Mundi i një viti për pak minuta i shkoi huq.
Kjo meqë breshri që ra i dëmtoi të gjithë të gjithë arën e mbjellura me lakër në fshatin Gaçkë të Ferizajt, bujkut Njazi Rexhepi.
Rexhepi, thotë për televizionin se që më shumë se dy dekada që merret me punimin e tokës nuk mbanë mend të ketë rënë breshër i tillë dhe t’i ketë shkaktuar kaq shumë dëme.
“Merremi me bujqësi moti, prej mbas luftës që 25 vite , kam të mbjellura 17 hektar me misër edhe atë e ka dëmtuar breshëri disa më shumë e disa më pak, por më shumë i ka dëmtuar këto lakra. Këtu i kam të mbjellura 75 ari rrënjë apo fije. Ndoshta edhe 20 mijë euro po se këtu së paku kam menduar 50 tonë me i nxjerr edhe misër ashtu, jemi dëmtuar por nuk kemi çka me bë kjo është fatkeqësi natyrore”, tregon bujku Rexhepi për Tëvë1.
Nijazi Rexhepi është banor i fshatit Bajnicë të Kaçanikut, por që tokën e punon këtu në Gaçkë.
Televizioni ka tentuar të marrë një qëndrim nga Drejtoria për Bujqësi në Kaçanik, por këta të fundit nuk ishin të qasshëm.
Ndërsa një kërkesë për komunën dhe qeverinë e pati vet fermeri.
“I kisha bërë apel edhe qeverisë që le të na marrin pak më shumë parasysh se lami e bujqësisë është shumë e shtypur shumë dobët është tek ne. Ne qejf kemi me u bë çdo sen edhe më shkurt me mbijetuar se ne mbijetojmë prej tyre. Ju kisha bë apel që bujqit që merremi me bujqësi le të na ndihmojnë le të na vlerësojnë më shumë e le të na përkrahin, ne tjetër asgjë nuk lypim prej tyre”, ka thënë ai.
Ai tregon edhe për dëmet që kanë pasur miqtë e tij.
“Mursel Osmani i ka të mbjellura shumë, është dëmtuar më ka ardhur shumë keq kur e kam pa që është dëmtuar ashtu”, thotë Rexhepi.
Po i njëjti nuk ndeshi të prononcohej para kamerës. Mirëpo, prapa saj tha se 70 ari qe kishte të mbjellura domate, shalqinj, pjepra, asnjë nuk i shpëtoi rrebeshit të breshrit.
Osmanin e kishte vizituar edhe Drejtoria e Bujqësisë dhe Pylltarisë në Komunën e Ferizajt.
Nga kjo drejtori kanë treguar edhe për mjetet qe kanë ndarë për këto kategori.
“Kemi përcjell me shqetësim rënien e fundit të breshrit në Komunën tonë sidomos në Gaçkë aty ku janë ekspozua fermat e këtij fshati e që i ka dëmtuar ekonomitë e tyre familjare. Ishim në vizitë te fermer Mursel Osmani, por edhe të fermerët e tjerë të fshatit Gaçkë dhe ju shprehem mbështetjen institucionale të drejtorisë së bujqësisë por edhe të Komunës së Ferizajt që do të jemi përkrahë tyre në tejkalimin e këtyre dëmeve. Kemi të planifikuar 70 mijë euro si buxhet nga kategoria e subvencione me të vetmin qëllim që të ju kompensojmë sado pak dëmet që do t’i kenë ata gjatë vitit jo vetëm fermat e fshatit Gaçkë, por edhe të tjerë”, shprehet drejtori, Burim Bajrami.
Për shkak të erërave dhe reshjeve të forta disa qytete e fshatra kanë mbetur disa orë pa energji elektrike.
