Mbrojtësi nga Shqipëria, Franko Lamçe është përforcimi më i ri i skuadrës së Ferizajt.
Ekipi që bën gara në Superligën e Kosovës, të mërkurën e ka prezantuar 26-vjeçarin, i cili mund të luaj në krah dhe qendër të mbrojtjes.
Lamçe që do të jetë pjesë e Ferizajt për pjesën e mbetur të sezonit dhe po shihet si përforcim i rëndësishëm për repartin defensiv.
Ai ka bërë karrierë kryesisht në Greqi kurse në Shqipëri për një sezon ka qenë edhe pjesë e skuadrës së Kukësit.
Ferizaj, aktualisht është në pozitën e shtatë në Superligë me 23 pikë të mbledhura pas 19-të xhirove të luajtura dhe ndeshjen e radhës e luan këtë vikend kundër Malishevës.
