Ferizaj dhe Prishtina e Re, janë skuadrat e fundit që janë kualifikuar në çerekfinale të Kupës së Kosovës në futboll.
Të dyja skuadrat, kanë avancuar në çerekfinale të enjten pasi eliminuan kundërshtarët e tyre në 1/8 e finales.
Ferizaj e eliminoi Rilindjen e Ligës së Parë me rezultatin minimal 1:0, falë golit të shënuar nga Edon Sadriu në fund të takimit.
Ndërkohë, Prishtina e Re triumfoi ndaj Feronikelit ’74, ekip të cilin e mposhti në Drenas me shifrat 2:0.
Me këto dy skuadra, është kompletuar çerekfinalja e Kupës pasi në këtë fazë ditë më parë janë kualifikuar edhe Malisheva, Llapi, Vëllaznimi, Drita, Prishtina e Drenica.
