Sulmuesi i Kosovës, Vedat Muriqi, po vazhdon të jetë në qendër të vëmendjes gjatë janarit, por jo vetëm për gola të shënuar.
Ish-skuadra e tij, Fenerbahçe jo vetëm që po insiston për kthimin e Muriqit por thuhet se tashmë edhe ka bërë ofertë zyrtare për transferimin e tij gjatë këtij muaji.
Sipas mediumeve në Turqi, Fenerbahçe në ofertën e parë drejtuar Mallorcas, ka ofruar 12 milionë euro për 31-vjeçarin.
Thuhet se klubet janë në negociata pasi skuadra spanjolle po synon të paktën një ofertë prej 16 milionë eurosh për Muriqin, ndonëse ky i fundit dëshiron të qëndrojë te Mallorca.
Sipas të gjitha gjasave, raportohet se për të ardhmen përfundimtare të Muriqit, do të vendoset deri në fund të kësaj jave.
Muriqi, aktualisht këtë sezon është lojtari kryesor i Mallorcas pasi në 19 ndeshje ka shënuar 14 gola në La Liga, duke u renditur i dyti në listën e golashënuesve më të mirë pas francezit Kylian Mbappe.
Sulmuesi i Kosovës ka kontratë me skuadrën spanjolle deri në verën e vitit 2029.
