Aktori i njohur, Fatmir Spahiu, ka bërë të ditur se nuk do të jetë ministër i Kulturës, pavarësisht se emri i tij ishte përmendur si i propozuar në kohën kur Albin Kurti dhe Glauk Konjufca kishin kërkuar votën për kryeministër gjatë bllokadës së vitit të kaluar.
Lajmin e ka konfirmuar vetë Spahiu përmes një postimi në rrjetin social Facebook.
“Të nderuar miq, përgjigje për të gjithë ju që më keni shkruar këto ditë, e sidomos sot. Unë nuk do të jem Ministër i Kulturës! Ju falemnderit për interesimin! Gjitha të mirat! Ju don Bufi”, ka shkruar ai.
Spahiu, i njohur për publikun me nofkën “Bufi”, nuk ka dhënë detaje të tjera lidhur me arsyet e këtij vendimi.
