Vijnë këtu çdo 2 maj.
Kjo pasi në këtë datë është përvjetori i vrasjes së nënës së tyre.
Mehmet e Halime Ibishi, po e përkujtojnë humbjen e më të dashurës së tyre. E ëma, ishte një nga viktimat e masakrës së Studimes në Vushtrri.
Por, Mehmet Ibishi, 2 majin e ka dhimbje të dyfishtë, pasi përvec humbjes së nënës, atij iu zhduk edhe djali, për fatin e të cilit akoma nuk di asgjë.
Në mesin e mbi 100 të vrarëve në masakrën e Studimes është edhe djali i axhës së Agim Kurtit. Sikurse të tjerët, edhe atë 2 maji e gjeti pranë varrit të kushëririt të tij.
Përpos dhimbjes, atë e shoqëron edhe zhgënjimi për faktin se akoma nuk është vënë drejtësia në vend.
Në këtë masakër, forcat kriminale serbe vranë 116 shqiptarë të pafajshëm, të cilët u nxorën nga kolona e qindra njerëzve që kishin marrë rrugë për Shqipëri, dhe u pushkatuan brenda dy orëve.
Kronika e gazetarit Lindrit Zejnullahu.