E familjarë të të masakruarve thonë se forcat serbe nuk kanë kursyer as foshnjat, ku ishte vrarë edhe 7-vjeçari Fitim Gudaqi. Ata kujtuan me krenari të rënët për liri, derisa disa thanë se nuk janë të kënaqur me përkujdesjen e shtetit.
Mëngjesi i 21 majit të vitit 1999 ishte tragjik për 13 civilë nga fshati Stagovë e Kaçanikut.
Forcat serbe kishin cak këtë fshat, ku fillimisht i kishin djegur shtëpitë por edhe bagëtitë e banorëve të këtij fshati.
E më pas, ata kryen krime edhe ndaj civilëve të pafajshëm, duke mos kursyer as foshnjet 7 vjeçare.
Nerxhivane Gudaqi thotë se e ka babën dëshmorë të këtij fshati dhe se ende e ka të freskët atë ditë të zezë për të.
“Plumbi i parë ka qëlluar djalin e agjës, Fitimin 7-vjeçar ku pas atij kanë filluar edhe aty vetëm po gjuajnë dhe ne po mundohemi me ikë prej atyhit edhe e kam mpasur ehde motren tëp lagosur 6 vjecare kemi ikë prej atyhit kemi ardh këtu në shtëpi kna kanë mbajtutr të mbyllur deri në 4 edhe aty e kanë marrë babën 4:10 ka qenë koha atëherë ek anë marrë babën është kanë dita e fundit që e kemi parë na ka përshëndet na ka parë të gjithëve na ka kshyr edhe ka ecë”, tha familjarja e të masakruarve, Nerxhivane Gudaqi.
Ajo shton se ka qenë e vështirë të rritet me gjithë këto kujtime dhe pa praninë e prindit, veçse thekson se është krenare me veprimtarinë e të atit.
“Atë ditë ka qenë ngjarja që nuk mundesh me përshkru me fjalë se me humb një person, personin ma të shtrenjtë në jetë është shumë shumë e rëndë, unë si fëmijë e kam përjetu tash jam rritë pa dashninë e prindit po zoti e ka shkru kështu… Gjithmonë në kujtime të mia ka me mbetë ajo, deri në ditët e mia të fundit të jetës është ditë që nuk harrohet kurrë”, u shpreh Gudaqi.
Edhe Hanife Shabani – Dashi e ka vëllain dhe axhën të masakruar në atë ditë.
Veçse kjo thotë se nuk është e kënaqur me përkujdesjen që iu bëhet kategorive të dala nga lufta.
“Krenar jemi por edhe jo për tjera sene se u bë dallimi tek varrezat çdo kund, me përkujdesjen e komunës nuk jemi të kënaqur… Nuk janë të barabartë të gjithë kanë rënë për liri, port ë barabartë nuk janë… Çka me ju thanë ata e dinë edhe vetë qysh është”, tha Hanife Shabani-Dashi, familjare e të masakruarve.
Për këtë masakër ishte gjykuar edhe ish-lideri i Serbisë, Sllobodan Millosheviq, por që ende nuk është dënuar asnjë person.
