Pak pas orës 12-të të mesditës, Isni Kilaj, Bashkim Smakaj dhe Fadil Fazliu u larguan nga objekti i Eulexit në Kosovë dhe u nisën drejt Hagës. Ata u përcollën me vetura të shumta të Eulexit dhe nën përcjellje të Policisë së Kosovës. Familjarët e shqetësuar që nuk janë takuar, për njohësit e drejtësisë kjo në aspektin ligjor është normale.
Nisja nga zyret e Eulexit në Kosovë po bëhet me vetura të shumta.
E para këtij objekti, të arrestuarit nga Gjykata Speciale Isni Kilajn, Bashkim Smakajn dhe Fadil Fazliu, po i përshëndet me dorë, djali i këtij të fundit, Fahriu.
Ai tha se babain e tij Fadilin e pa vetëm pak në veturë.
Fazliu edhe njëherë përsëriti shqetësimin e tij që nuk ka mundur të takoj babain e tij nga dita e djeshme.
Por, për hulumtuesin Amer Alija nga Fondi Humanitar për të Drejtat e Njeriut, në aspektin ligjor kjo është normale.
Sipas Alijes, brenda 48 orëve nuk mund të takohen as familjarët dhe as avokati pa ftesë nga prokuroria.
Hyrjen në Aeroportin Ndërkombëtar të Prishtinës “Adem Jashari” të arrestuarit e bënë nga aeroporti ushtarak.
E pak pas orës 13 të pasdites, u pa një linjë e udhëtimit nga Prishtina për në Rotterdam të Holandës.
Ky aeroplan për në Hagë nisjen e bëri në orën 13:15.
Këtë rrugë e vazhduan vetëm tre prej tyre, pasi ish ministri i drejtësisë, Hajredin Kuci nuk është arrestuar pos bastisjes së shtëpisë së tij.
