Sot në fshatin Vojnik të Skenderajt është ngritur shtatorja e dëshmorit Skender Skenderi. Familjarë e bashkëluftëtarët e kujtuan atë me krenari, teksa treguan edhe momente të veçanta me të. Pjesëmarrës në këtë organizim ishin drejtues të kësaj komune, me ç’rast u shprehën mirënjohës për veprën e heroit.
16 maji, i mblodhi në Vojnik të Skenderajt, familjarë, bashkëluftëtarë e zyrtarë të komunës. Kjo pasi në përvjetorin e rënies së dëshmorit Skender Skenderi, u zbulua edhe shtatorja e tij.
Falënderues ndaj institucioneve për këtë, u shpreh vet djali i heroit, Sylejman Skenderi
Ndërsa njëri nga bashkëluftëtarët e tij, Arton Hoti ndau një pjesë të bisedës me të përpara se të vritej nga forcat serbe.
I pari i komunës, Fadil Nura tha se është i lumtur që tashmë shkollës së këtij fshati që e mban emrin e këtij dëshmori, i është shtuar edhe ky bust.
Kurse, nënkryetari i Komunës Sami Lushtaku, thotë se duhet të ketë më shumë monumente në nderimin e tyre.
Në përvjetorin e rënies së heroit Skender Skender dhe ditës së shkollës që mban emrin e tij, programi kulturo-artistik, u shoqërua edhe me poezi e këngë për të nga nxënësit.
