Mesfushori Nicolo Fagioli ka firmosur kontratë të re me Juventusin, ka njoftuar të premten Fabrizio Romano.
Bëhet e ditur se palët tashmë kanë arritur marrëveshjen për ta vazhduar bashkëpunimin, që do të zyrtarizohet ditëve në vijim.
Me rinovimin e kontratës, Fagioli do të jetë pjesë e Juventusit deri në verën e vitit 2028. Krahas rinovimit të kontratës,
22-vjeçarit i është rritur edhe paga vjetore por që detajet nuk janë bërë të ditura. Aktualisht, Fagioli është i suspenduar për shkak të basteve dhe nuk do të jetë në gjendje të rikthehet në fushë deri në muajin maj të vitit të ardhshëm.
Ai këtë edicion, ka regjistruar 6 paraqitje në Serie A me Juventusin, para se të pezullohej për shtatë muaj nga federata italiane.
