Fadil Fazliu i arrestuar në mëngjes me urdhër të Gjykatës Speciale nga njësitet e EULEX-it.
Këtë e ka bërë të ditur djali i tij, Fahri Fazliu.
Fazliu ka thënë se babai i tij do të udhëtojë për në Hagë ku do të dërgohet në Qendrën e Paraburgimit.
Ai ka thënë se nuk kanë informacione se pse është arrestuar.
“Ende qëndron në zyrat e EULEX-it. Unë isha prapë atje për të marrë një sqarim se pse është marrë dhe a do të dërgohet në Hagë, nuk më dhanë as sqarim pse është marrë dhe kur do të dërgohet nuk me treguan”, ka thënë Fazliu në emisionin “Ditari” në Tëvë1.
Gjykata Speciale të enjten ka arrestuar edhe ish-kryetari i Malishevës, Isni Kilaj dhe Ish-shefi i AKI-së, Bashkim Smakaj, ndërsa që është bastisur edhe shtëpia e ish-zëvendëskryeministrit, Hajredin Kuçi.
