Me 8 shkurt duke filluar nga ora 19:00 në atelenë e Pallatit të Rinisë në Prishtinë, do të mbahet eventi kulturor filantropik “Bashkohu, shpëto jetë”.
Nezaqete Rukovci nga organizata Action for Health dha disa detaje rreth këtij eventi, dhe koncertit jazz ku do të interpretojë Visar Kuçi Trio, shkruan teve1.info.
E ftuar në emisionin e mëngjesit “Herët” në Tëvë1, Rukovci tha se mjetet e grumbulluara nga ky event do t’iu dedikohen fëmijëve të cilët po trajtohen në Klinikën e Pediatrisë, gjegjësisht reparti hematoonkologjik.
“Eventi kulturor do të ketë edhe fjalime vetëdijesuese, prezantime të ndryshme dhe natyrisht edhe koncerti jazz me ineterpretuesin Visar Kuqi. Të gjitha mjetet të cilat grumbullohen nga ky koncert do të shkojnë direkt te fëmijët të cilët janë trajtu në Kinikën Pediatrike, repartin hematoonkologjik. Por nëse ka raste të fëmijëve të prekur nga kanceri por që janë trajtu ose ju ka ndodh të preken nga kanceri, sigurisht që ato mejete do t’i gëzojnë edhe familjet e fëmijëve të prekur nga kanceri “, tha ajo.
Tutje Rukovci njoftoi se ku mund t’i blejnë qytetarët biletat për këtë event.
“Biletat mund të blihen online në Rave, mund të blehen edhe te libraria Dukagjini por edhe te Kultplus caffe, po mund të drejtohen edhe në organizatën tonë “Action for Health” por edhe para se të hyni në koncert”, shtoi ajo./teve1.info./
