Thomas Waizt nga Partia e Gjelbër Evropiane në Parlamentin Evropian, ka thënë se sot PE-ja do të japë dritën jeshile për liberalizimin e vizave për Kosovën.
Ai ka thënë se ky proces ishte bllokuar para disa vitesh në Këshillin Evropian.
Waizt ka bërë të ditur se kjo do të lejojë udhëtimin pa viza për njerëzit nga Kosova në BE deri në 90 ditë, kështu duke filluar nga vitit 2024.
Në një komunikatë për media thuhet se “Kosova është e fundit nga vendet e Ballkanit Perëndimor që ka marrë liberalizimin e vizave. Të Gjelbrit, duke përfshirë Tomas Waitz dhe paraardhësja e tij Ulrike Lunaçek, kanë luftuar që ky hap të bëhet përfundimisht”.
Waitz ka thënë se sot është një ditë gëzimi për Kosovën dhe qytetarët e saj, derisa vendimin e sotëm e ka quajtur hap të vonuar për Kosovën.
“Të Gjelbrit kanë vite që e mbrojnë atë dhe do të vazhdojnë të mbështesin rrugën e Kosovës drejt BE-së”, ka thënë ai. /teve1.info/
