Cristiano Ronaldo që po paraqitet në turneun e tij të 11-të të madh, ka pranuar se Kampionati Evropian “Gjermania 2024” është i fundit për të.
Ylli portugez ka thënë se nuk po tërhiqet nga futbolli aktiv por vetëm se nuk do të paraqitet më në Kampionat Evropian.
Ronaldo është kualifikuar në çerekfinale të “Euro 2024” me Portugalinë, fazë kjo në të cilën do të përballet me Francën.
Në katër ndeshje të luajtura deri më tani në këtë turne, Ronaldo nuk ka shënuar asnjë gol, me përjashtim të penalltisë në triumfin e Portugalisë 3:0 ndaj Sllovenisë pas gjuajtjeve nga pika e bardhë.
Në këtë Evropian, Ronaldo nuk ka pasur ndikimin që e kishte dikur te Portugalia, përkundër përpjekjeve të shumta për të shënuar gol.
Në fakt, ai e ka bërë vetëm një asistim ndërsa në secilën ndeshje ka qenë titullar te Portugalia.
39-vjeçari është kapiten i Portugalisë dhe deri më tani ka 211 paraqitje dhe 130 gola të shënuar.
Dueli çerekfinal mes Portugalisë dhe Francës, luhet të premten prej orës 21:00.
