Kanë filluar të mësohen emrat e kombëtareve të para që kanë siguruar plasmanin për evropianin e vitit të ardhshëm që zhvillohet në Gjermani.
Gjatë këtij muaji, 7 kombëtare janë kualifikuar edhe zyrtarisht për “Euro 2024”. Gjermania si mikpritëse, Franca, Belgjika, Portugalia, Skocia, Spanja dhe Turqia tashmë e kanë të sigurt pjesëmarrjen, teksa kombëtaren shqiptare e ndan vetëm një pikë nga ky sukses që tashmë duket shumë i mundshëm.
Megjithatë, përveç atyre që kanë kryer punë, disa kombëtare të tjera është dashur të pajtohen me fatin se nuk do të kenë mundësi të zbresin në fushë këtë herë.
Një e tillë është Norvegjia. Ndonëse ka futbollistë të kalibrit të lartë si Martin Odegaard dhe padyshim përbindëshi i Manchester Cityt, Erling Haaland kombëtarja skandinave nuk ka arritur ta kalojë fazën e grupeve.
Një humbje ndaj Spanjës në shtëpi ishte fatale, pasi tashm edhe matematikisht mbesin prapa tyre dhe Skocisë, që aktualisht renditet në pozitën e dytë të grupit A me, me pikë të barabarta nga 15, ndërsa Norvegjia numëron 10.
Erling Haaland nuk kishte arritur që ta kualifikonte kombëtaren e tij në botërorin e vitit të kaluar në Katar.
