Nga EULEX-i kanë bërë të ditur se këta xhandarë janë anëtarë të Forcës së Xhandarmërisë Evropiane (EUROGENDFOR).
Sipas EULEX-it, ata do të qëndrojnë përkohësisht në Kosovë pas situatës së krijuar në veri.
“NJPSR u dislokua në Kosovë si përgjigje ndaj nevojës së Misionit për të pasur forca shtesë në terren dhe për t’i mbështetur më mirë homologët tanë kosovarë, nëse kjo kërkohet dhe nëse është e nevojshme. NJPS-ja e rregullt e EULEX-it, e përbërë nga 105 policë polakë, është e stacionuar në Mitrovicë dhe është reaguesi i dytë i sigurisë në Kosovë, që është pjesë përbërëse e mekanizmit me tru nivele të reaguesve të sigurisë, ku Policia e Kosovës është reaguesi i parë i sigurisë, EULEX-i është i dyti kurse NATO/KFOR-i i treti. NJPSR-ja e sapozbarkuar aktualisht përbëhet nga 23 xhandarë nga Karabinierët italianë dhe është e vendosur në Kompleksin Mbështetës të EULEX-it në Fushë Kosovë. NJPSR-ja është nën komandën e EULEX-it dhe do ta mbështesë Misionin në përmbushjen e detyrave të tij, përfshirë ato si reagues i dytë i sigurisë në Kosovë nëse është e nevojshme”, thuhet në njoftim.
Dje, lajmin për përforcimin e EULEX-it e ka dhënë përfaqësuesi i Lartë i BE-së për Politikë të Jashtme Josep Borrell përmes një postimi në Twitter.
“Në këto kohë të tensionuara në Kosovë, Misioni i BE-së për Sundimin e Ligjit #EULEX përmbush detyrën e tij për të siguruar stabilitet:@Eurogendfor xhandarët nga @_Carabinieri_ zbarkuan sonte për të përforcuar përkohësisht @EULEXKosovo njësia e Formuar e Policisë. EULEX-i do të vazhdojë të mbështesë një mjedis të sigurt”, ka thënë ai. /Teve1.info/
