Derbi toskan mbyll javën e nëntë të Serie A, me Empolin që bindi në transfertën e Fiorentinës, të cilën e fitoi me rezultatin 0-2.
Kjo ndeshje dhuroi spektakël, ndërsa ishte Caputo ai i cili zhbllokoi takimin duke kaluar Empolin në avantazh në minutën e 21’.
Në minutën e 45+1’ Caputo gjeti sërish rrugën drejt rrjetës, por pas verifikimit në VAR ai gol u anulua për prekje me dorë.
Takimi vazhdoi me rezultatin 0-1 deri në minutën e 81’, moment në të cilin Gyasi shënoi golin e dytë për Empolin dhe vulosi këtë takim.
Protagonist i padiskutuar në këtë takim ishte portieri i kombëtares shqiptare të futbollit, Etrit Berisha, i cili shpëtoi në disa raste ekipin e tij dhe mbajti portën në paprekur në këtë ndeshje.
Pas javës së nëntë, Fiorentina renditet në vend të pestë me 17-të pikë, teksa Empoli ngjitet në vend të 17-të me shtatë pikë.
