Situata me protestat në Serbi ka eskaluar mbrëmë kur përkrahësit e Partisë Progresive Serbe, sulmuan protestuesit në Backa Palanka dhe Vrbas.
Studentët nga Beogradi bënë thirrje për një tubim përpara Fakultetit të Drejtësisë, ndërsa studentët nga Novi Sadi bënë thirrje për një tubim përpara ambienteve të SNS-së, raporton, nova.rs, transmeton KosovaPress.
Ministria e Punëve të Brendshme e Serbisë deklaroi se qytetarët sulmuan policët dhe përkrahësit e Partisë Progresive Serbe.
Studentët e Nishit i bënë thirrje qytetarëve për një protestë urgjente para SNS-së në Nish për shkak të sulmeve ndaj qytetarëve në Vrbas dhe Backa Palanka.
Nga protestat raportohet edhe për të lënduar të shumtë.
