Emisari i Shteteve të Bashkuara të Amerikës, Gabriel Escobar, pas takimit me kryeministrin e vendit, Albin Kurti ka treguar se kanë pasur një diskutim të mirë për çështjen e dinarit.
Escobar ka thënë se Kurti e ka marrë parasysh shqetësimin amerikan për efektin e ndalimit të dinarit tek serbët lokalë dhe ka premtuar që do t’i marrë parasysh disa prej propozimeve të tij.
“Patëm një diskutim shumë të mirë dhe e kam bërë shumë të qartë që askush s’ka nevojë të dëgjojë storie të njerëzve që preken më së shumti nga ky vendim. Sigurisht që ne prekemi nga storiet e njerëzve dhe ndikimin që ka pasur ky vendim në ta. Kryeministri ka marrë parasysh dhe premtuar që do t’i marrë parasysh disa prej propozimeve që i kam bërë sot”, ka thënë Escobar.
Escobar në prononcim për media ka thënë se vendimi i BQK-së ua ka vështirësi jetën qytetarëve serbë të Kosovës dhe se SHBA-ja është e shqetësuar.
“Duhet të pranojë se marrëdhëniet tona kanë disa sfida tash, e këto sfida janë për shkak të trajtimit të minoritetit serb në Kosovë. Është çështje emergjente humanitare që duhet adresuar menjëherë.
Ndërkohë Escobar, ka folur edhe për qasjen e ShBA-së ndaj Kosovës, duke thënë se çdo gjë e bërë është në favor të Kosovës.
Për Esobarin, nuk ka qasje të pabalancuar të ShBA-së ndaj Kosovës e Serbisë.
“Po ju them diçka. Çdo gjë që kemi bërë në këto vite kanë qenë në favor të Kosovës. Menjëherë pas Ohrit kemi mbështetur anëtarësimin tuaj në Këshill të Evropës, kemi mbështetur proceset demokratike, përfshirë edhe zgjedhjet në veri, kemi qëndruar përkrah jush edhe pas 24 shtatorit sulmit dhe ju ndihmuam të merrni “Javelins”. Më shpjego si kjo është e pabalancuar”, ka shtuar ai.
Escobar ka zhvillaur vizitë dy ditore në Prishtinë, ku është takaur edhe me presidenten e Kosovës, Vjosa Osmani dhe liderët e partive opozitare.
