I dërguari amerikan për Ballkanin Perëndimor, Gabriel Escobar, ka thënë të premten se, beson që Qeveria e Kosovës duhet të heqë ndalesën ndaj mallrave serbe në kufi.
Escobar, tha se BE beson se diçka e tillë, jo vetëm që është joevropiane, por as nuk ekziston bazë ligjore.
“BE beson se diçka e tillë, jo vetëm që është joevropiane, po as nuk ekziston bazë ligjore. Ne e mbështesin këtë qëndrim dhe besojmë se është përshkallëzim i panevojshëm i një situate veçse të tensionuar”, tha Escobar gjatë një konference online për media.
Escobar, tutje ka thënë se, “ndonëse është e vërtetë që Serbia nuk ka përparuar në nivelin që e kemi dashur, sa i përket krijimit të raporteve paqësore me Kosovën, mund të them se shumë prej çka është duke ndodhur prej nëntorit, ka qenë për shkak të veprimeve të njëanshme të Kosovës, për të gjetur zgjidhje, për të cilat nuk është koordinuar me komunitetin ndërkombëtar”.
Qeveria e Kosovës, pas arrestimit të tre zyrtare policorë të Kosovës, ka marrë vendim për të shmangur kontrollet kufitare me Serbinë.
Hyrja e kamionëve me produkte dhe targa serbe në territorin e Kosovës është ndaluar më 14 qershor./teve1.info/
