Ish-selektori i Anglisë, suedezi Sven-Goran Eriksson do t’i bashkohet ekipit të trajnerëve të legjendave të Liverpoolit për ndeshjen bëmirëse ndaj Ajaxit në “Anfield” gjatë muajit mars.
Eriksson 75-vjeçar, në janar ka thënë se ka më së shumti edhe një vit jetë, pasi ishte diagnostikuar me kancer. Ai po ashtu kishte theksuar se ishte tifoz i Liverpoolit dhe se gjithnjë ka pasur dëshirë të jetë trajner i kësaj skuadre.
Liverpooli njoftoi të martën se Erikssoni do t’i bashkohet emrave të mëdhenj të klubit si Ian Rush, John Barnes e John Aldridge.
Duke njoftuar se Eriksson do të jetë pjesë e ekipit drejtues për ndeshjen e 23 marsit, Liverpooli tha: “Të gjithë të lidhurit me klubin dhe fondacionin LFC mezi presin t’i dëshirojnë mirëseardhje të ngrohtë tifozit tonë Sven dhe familjes së tij në Anfield”.
Tifozë të Liverpoolit kishin bëri thirrje për klubin që të lejojë Erikssonin të drejtojë veteranët në ndeshjen miqësore të muajit mars.
