Në një konferencë të përbashkët për media, Erdogan tha se ka kënaqësi që po pret presidenten Osmani, me rastin e vizitës së parë të saj zyrtare në Turqi.
Erdogan tha se vizita e Osmanit do të shërbejë për të forcuar më tej vëllazërinë, me lidhje rrënjësore, historike dhe kulturore, përcjell Teve1.info.
“Gjatë takimeve tona, ne diskutuam të gjitha aspektet e marrëdhenieve dy palëshe ndërmjet dy vendeve. Kemi shkëmbyer mendime për Ukraninën, ne diskutuam se çfarë mund të bëhet për të përparuar në arsim e anti terrorrizëm..Dihet vlera që ne i kushtojmë sovranitetit të Kosovës. Si një nga vendet e para që ka njohur Kosovën e kemi mbështetur që nga dita e parë. Ne i kushtojmë rëndësi të madhe Kosovës dhe ajo ta zë vendin në arenën ndërkombëtare”, tha Erdogan.
Ai shtoi se kompanitë turke kanë investuar deri në 400 milionë euro në Kosovë.
“Kompanitë janë të gatshme të vazhdojnë edhe më tej. Kanë nisur të shtohen edhe eksportet në drejtim të Turqisë. Është esenciale që të gjithë aktorët në rajonin tonë të nxjerrin paqen dhe stabilitetin rajonal”, tha Erdogan.
Presidenti turk theksoi se Turqia e mbështet procesin e dialogut Prishtinë-Beograd, dhe sipas tij procesi duhet të përfundojë me marrëveshje gjithëpërfshirëse.
“Ne jemi të gatshëm të bëjmë përpjektet tona të mundshme për paqe dhe stabliteet në rajon”, shtoi Erdogan.
Erdogan theksoi se gjatë këtij takimi, dyshja folën edhe për luftën kundër organizatës Feto, dhe sipas tij është rëndësi e veçantë që t’i jepet fund kësaj organizate. /Teve1.info/
