Turqia do të shkojë në raundin e dytë të votimeve në zgjedhjet presidenciale, pasi asnjëri kandidat nuk ka arritur ta kalojë pragun prej 50 për qind për t’u zgjedhur në krye të shtetit turk.
Kështu ka njoftuar kryetari i Këshillit të Lartë Zgjedhor (YSK), Ahmet Yener, në konferencën për media që ka mbajtur me anëtarët e Bordit.
“Sipas rezultateve preliminare, rezulton se Erdogan ka marrë 49,51 për qind, 44,88 për qind Kemal Kılıçdaroğlu, 5,17 për qind Sinan Ogan dhe 0,44 për qind e Muharrem İnce“, ka thënë Yener.
Sipas tij, edhe pse 35 874 vota jashtë vendit nuk janë futur në sistem, ato nuk ndikojnë që ndonjëri kandidat ta sigurojë shumicën për t’i fituar zgjedhjet.
Balotazhi do të përballë Erdoganin dhe Kılıçdaroğlu në balotazh që mbahet më 28 maj.
