Erdogan tha se drejtimi i gishtave nga Rusia pas zbulimit se raketa nuk është prodhuar nga Rusia do të përshkallëzojë më tej tensionet.
“Më duhet të respektoj deklaratën e Rusisë. Lidhur me këtë, është e rëndësishme për ne (të përmendim) se Rusia thotë ‘kjo nuk ka lidhje me ne’”, tha presidenti Erdoğan, duke folur në një konferencë për media në margjinat e Samitit të Liderëve të G20 në Bali të Indonezisë.
Komentet e presidentit turk vijnë pas raportimeve për një sulm të dyshuar raketor në Poloni që vrau dy persona.
“Derisa po përpiqemi të sjellim Rusinë dhe Ukrainën në të njëjtën tryezë, nuk ka nevojë të gjejmë ndonjë partner të tretë për këtë luftë”, tha presidenti turk.
Për marrëveshjen e drithërave të Istanbul-it, Erdoğan tha se sapo të kthehet nga Bali ai do të flasë me homologun e tij rus, Vladimir Putin, për zgjatjen e marrëveshjes së dritharëve me të paktën një vit./AA/
