Kryetari i Prishtinë, Përparim Rama, ka qëndruar mëngjesin e sotëm në Gjimnazi ‘Xhevdet Doda’, ku së bashku me nxënësit kanë shënuar Epopeja e Ushtrisë Çlirimtare të Kosovës.
Rama bëri të ditur se gjatë vizitës u diskutua për vlerat e luftës së Ushtria Çlirimtare e Kosovës dhe sakrificën e atyre që luftuan për lirinë e vendit.
Sipas tij, në këtë aktivitet morën pjesë edhe udhëheqësi i Sektorit për Çështje të Kategorive të Dala nga Lufta e UÇK-së në kabinetin e tij, Sylë Vitia, si dhe drejtori për Arsim në Komuna e Prishtinës, Samir Shahini.
“Bashkë me ta ndamë me nxënësit reflektime për guximin, idealin dhe dashurinë për atdheun që i dha forcë luftës sonë çlirimtare”, ka shkruar Rama në Facebook.
Ai theksoi se është përgjegjësi e institucioneve dhe e shoqërisë që historia e luftës për liri të ruhet dhe të përcillet tek brezat e rinj.
“Është përgjegjësi e jona që këtë histori ta ruajmë dhe ta përcjellim tek brezat e rinj, që ata të mos harrojnë kurrë rrugën e vështirë drejt lirisë”, ka theksuar Rama.
Sot në Kosovë shënohet 28-vjetori i Epopesë së UÇK-së, një nga ngjarjet më të rëndësishme në historinë e vendit, që lidhet me qëndresën e familjes së Adem Jashari në Prekaz gjatë 5, 6 dhe 7 marsit të vitit 1998.
