Mbrojtësi i Kombëtares së Shqipërisë, Enea Mihaj në fund të këtij sezoni pritet ta bëjë hapin e madh në karrierë.
Ai do të largohet nga futbolli portugez për ta vazhduar karrierën në La Liga të Spanjës, pasi skuadra e Celta Vigos ka shprehur interesim për shërbimet e tij.
Në të vërtetë, Mihaj është prioritet i klubit spanjoll, i cili tashmë e ka përcjell edhe nga afër dhe dëshiron ta transferoj në fund të sezonit kur edhe i skadon kontrata me Famalicaon.
26-vjeçari është pjesë e skuadrës portugeze prej vitit 2022 kur iu bashkua nga PAOK-u i Greqisë dhe këtë sezon ka regjistruar 18 paraqitje në kampionat, ku ka bërë edhe një asistim.
Mihaj, gjithashtu ka edhe 19 ndeshje të luajtura me Shqipërinë prejse debutoi në shtator të vitit 2019.
