Ende nuk është arritur të arrestohen personat në lidhje me incidentin e ndodhur në stadiumin e qytetit në Gjilan. Zëdhënësi i Policisë së Kosovës në Rajonin e Gjilanit, Ismet Hashani për Tëvë1, tha se nuk ka asnjë person të arrestuar në sulmin fizik ndaj portierit Stivi Frashëri. Mirëpo, Hashani tutje u shpreh se janë duke punuar intensivisht për arrestimin e tyre.
“Është hapur rast si ‘Lëndim trupor’. Ende nuk është bërë identifikimi i personit, edhe pse ka incizime. Jemi duke punuar intensivisht për arrestmin e tyre”, tha Hashani. Gjendja stabile e portierit Stivi Frashëri tani është mirë, pasi me parë ai është dërguar në spitalin e Gjilanit pa vetëdije,. Një huligan e shtyu Frashërin, e ku me pas një tjetër e mbante për fyti dhe personi i tretë e shkelmoj atë.
Ndeshja është suspenduar ku rezultati ishte 1:1. Ngjarja ndodhi pasi Enea Koliçi shënoj golin e barazimit dhe me pas tifozët u futën në fushë, duke u krijuar një tollovi.
/Tëvë1/
