Trajneri i Dritës, Arsim Thaqi i ka habitur të gjithë këtë të hënë, ndërsa pas barazimit me Dukagjinin ka dhënë dorëheqjen.
Këtë lajm e bëri publik vetë klubi nga Gjilani, ku ndër të tjera thekson se trajnerit i është kërkuar qëndrimi, por vendimi i tij ishte i padiskutueshëm. Thaqi është një nga trajnerët me jetë shkurtër në një klub të Superligës për këtë edicion, pasi ka qëndruar vetëm 4 muajë e gjysmë, derisa pas tij vijnë Sami Sermaxhaj te Malisheva dhe Bekim Shotani te Drenica që kanë qëndruar nga 5 muajë.
Megjithatë një listë e gjatë e trajnerëve janë të lirë, por katër nga ta ka kohë që përfolen për të marrë drejtmin e Dritës, edhe pas emërimit të Arsim Thaqit.
Mirel Josa është nga emrat që ndodhet në listën e trajnerëve të lirë dhe mund s’do mend që mund ta shohim sërish në Kosovë. Josa është nga opsionet e mundshëm që mund ta marrë drejtimin e skuadrës gjilanase. Ai udhëheqi me Prishtinën në Superligë, kurse në kategorinë superiore karakterizohet si një ndër trajnerët më të mirë shqiptar. Së fundmi pjesë e Vllaznisë së Shkodrës.
Ndërkaq i lirë momentalisht, ndodhet edhe ish-ndihmësi i Ardian Nuhiut te Drita, Alban Dragusha i cili për tri vite ka qenë pjesë e sukseseve të klubit gjilanas në vitet e fundit, deri vonë kryetrajner i Vushtrrisë në Ligën e Parë.
Emër tjetër dhe jo pak i njohur për futbollin kosovar është Bekim Isufi. Isufi si trajner ka momente të Drita, me të cilët u shpall edhe kampion i Kosovës vite më parë, pjesë edhe e disa skuadrave të mëdha në elitën e futbollit kosovar si Hajvalia, Vllaznia e Pozheranit dhe Ballkani.
Kurse në listën e trajnerëve të lirë ndodhet edhe Sami Sermaxhaj, një trajner i disa skuadrave në futbollin kosovar, së fundmi drejtoi me skuadrën e Malishevës kurse nga janari nuk është i angazhuar në klub.
