Skuadra e Empolit ka shkaktuar befasinë më të madhe në Kupën e Italisë pasi ka eliminuar Juventusin në çerekfinale të kësaj gare.
Ndeshja çerekfinale e luajtur në Torino të mërkurën mbrëma, ka përfunduar 4:2 në favor të Empolit pas penalltive pasi koha e rregullt e takimit përfundoi me shifrat 1:1.
Të gjithë futbollistët e Empolit shënuan nga penalltia kurse te Juventusi dështuan Dusan Vlahovic e Kenan Yildiz.
Gjatë kohës së rregullt, Empoli avancoi Youseff Maleh (24’) kurse rezultatin e barazoi Kephren Thuram me golin e realizuar në minutën e 66-të për ta dërguar ndeshjen në penallti pas 90-të minutave.
Në gjysmëfinale të Kupës së Italisë, Empoli do të përballet me Bolognan në fillim të muajit prill.
Pas eliminimit javën e shkuar nga Liga e Kampionëve, Juventusi eliminohet edhe nga Kupa e Italisë.
