Basketbollisti Joel Embiid ka realizuar 70 pikë (edhe 18 rebound) në fitoren 133-123 që Philadelphia arriti sot ndaj San Antonio. Ky është rekordi personal i yllit të NBA-së si dhe rekordi i pikëve të realizuara nga një lojtar në një ndeshje këtë sezon. Ndeshje e çmendur për Embiid, që udhëhoqi skuadrën e tij drejt fitores dhe vendit të tretë në Lindje.
Ritmin e tyre ndjek edhe Milwaukee, që mundi 122-113 Detroit jashtë fushe. Antetokounmpo realizoi një “triple double”, me 31 pikë, 17 rebound e 10 asist për Bucks, më i miri në fushë.
Në krye të renditjes në Konferencën e Lindjes qëndron Boston, që sot fitoi 119-110 në fushën e Dallas. Tatum me 39 pikë e Brown me 34 pikë bënë diferencën në parket. Për Dallas, Doncic realizoi një “triple double” (33 pikë, 18 rebound, 13 asist), por që mbetën për statistikë.
Fitore të rëndësishme korri Memphis, që mundi 108-100 Toronto, ndeshje ku u dallua Jackson me 27 pikë.
Nuk zhgënjen Cleveland, që falë 51 pikëve të dyshes Mitchell-Merrill, mundi 126-99 Orlando.
Ndërsa Phoenix, fitoi 115-113 ndaj Chicago në sekondat e fundit, ndeshje ku diferencën e bëri Durant, autor i 43 pikëve.
