Veton Elshani, zëvendësdrejtor i Policisë të Kosovës në rajonin e veriut, ka folur lidhur me aksionin e së dielës ku Policia e Kosovës u përball me grupin e armatosur serb i cili në veri kreu sulm terrorist, ku një rreshter i PK-së mbeti i vrarë.
Ai ka thënë se qëllimi i policisë ishte lirmi i territorit, pasi grupi serb ishte ngujuar në Manastirin e Banjskës, ku nga atje sulmonte policinë.
“Planifikimi nga policët në vendngjarje ka qenë shumë i mirë. S’kemi pas qëllim me i vra 30 vetë. S’kemi pas qëllim asnjë vrasje. Kemi pas qëllim ta lirojmë territorin tonë nga grupet kriminale. Nëse ka pasur të lënduar e viktima ishte pjesë e procesit. Konsiderojmë se e kemi arritur qëllimin tonë që me sa më pak dëme të arrijmë qëllimin”, ka thënë ai.
Elshani në një konferencë për media të mërkurën tha se nuk mund të përjashtohet një tjetër sulm i ngjashëm nga grupet kriminale, por tha se Policia e Kosovës është e përgaditur dhe në koordinim me KFOR-in.
“Jemi të përgatitur dhe kemi një koordimin të mirë edhe me KFOR-in , nuk përjashtohet një mundësi e një sulmi tjetër të tillë”, ka thënë Elshani.
Ai tha se Policia ka gjetur armatim pothuajse në çdo vend për rreth manastirit, por jo edhe në shtëpitë e civëlve.
