Avokati i Jakup Krasniqit, Aidan Ellis, ka thënë se kontributi i secilit prej të akuzuarve në Shtabin e Përgjithshëm duhet të identifikohet.
Ai ka thënë se nuk mund të akuzohet dikush pse ka vendosur të jetë pjesë e Shtabit të Përgjithshëm.
“Kontributi i secilit prej të akuzuarve duhet të identifikohet. Sepse, në qoftë se mjafton që të mbështetesh tek anëtarësimi në Shtabin e Përgjithshëm, ose çfarë ka bërë Shtabi i Përgjithshëm, atëherë në thelb çështja është kundër Shtabit të Përgjithshëm, jo kundër të akuzuarve individualisht. Ne jemi besim plotë se kur të bëni vlerësimin e provave, shikoni dokumentet bashkë me dëshminë e dëshmitarëve, dhe kur të zbatoni me rigorozitet parimin e marrjes së provës, ju do të pajtoheni me argumentet e parashtruar prej nesh dhe kjo do të çoj në shpalljen e pafajshme të Jakup Krasniqit prej jush”, tha ai në fjalën përmbyllëse.
Ellis,hodhi poshtë pretendimet e ZPS-së se klienti i tij ishte epror i Bislim Zyrapit. Ai tha se vetë Zyrapi ka pranuar se ishte shef i Shtabit të Përgjithshëm të UÇK-së./teve1.info/
Roberts: Selimi të lirohet, nuk duhet të pranohen thirrjet dëshpëruese të Prokurorisë
