Njohësi i çështjeve të sigurisë Bedri Elezi, ka thënë se aktet e dhunës në veri të Kosovë edhe mund të rriten. Elezi në edicionin special në Tëvë1, theksoi se njohësit e sigurisë e kanë paralajmëruar këtë rezultat.
“Ka akte të cilat ne i kemi paralajmëruar dhe pa dyshim që ka shqetësime që këto akte dhune mund të rriten dhe sipas disa paralajmërimeve apo informacioneve që neve i kemi siguruar mund të kemi edhe vendosjen e barrikadave”, deklaroi Elezi.
Madje, Elezi tha se në veri do të ketë barrikadime, e që do të ketë kthim të situatës me barrikada në dhjetor të vitit 2022, teksa shtoi se serbët do të organizohen në mënyrë më të përgatitur.
“Inforamcionet intelegjente që marrim nga burimet kredibile në rajon dhe të cilat sigurisht që kanë bërë matjet e duhura në vazhdimësi për situatën e sigurisë, do të ketë barrikadime do të kemi një kthim të situatës e periudhës para vitit të ri në dhjetor, apo mund të eskaloj edhe më tutje duke u organizuar serbët në mënyrë më të përgatitur”, deklaroi Elezi.
Tutje, njohësi i çështjeve të sigurisë, në Tëvë1, ka deklaruar se kanë tërhequr vërejtjen institucioneve të Kosovës, teksa tha se veprimet politike duhet të jenë më të kujdesshme sepse mund të prodhohen edhe situata të cilat do të jenë të rënda për gjithë Kosovën, e rajonin.
“Ne kem tërhequr vërejtjen në vazhdimësi që institucionet tona, përkatësisht veprimet politike duhet të jenë të kujdesshme sepse mund të prodhojmë situata të sigurisë të cilat më pas do të jenë të rënda, jo vetëm për veriun por do të jenë të rënda për gjithë Kosovën dhe rajonin”, deklaroi ai./teve1.info
